آئین ڈسٹرکٹ پریس کلب رحیم یار خان
آرٹیکل 1:
تمہید
ضلعی ہیڈ کوارٹر رحیم یار خان میں صحافیوں کی سماجی، تفریحی، علمی، جمہوری اور پیشہ ورانہ سرگرمیوں کو ہموار کرنے کے لیے صحافی برادری کو ایک پلیٹ فارم مہیا کرنا وقت کی ضرورت ہے۔
اس مقصد کے لیے ڈسٹرکٹ پریس کلب رحیم یار خان پہلے ہی اپنے رجسٹرڈ آئین کے مطابق اپنے فرائض سرانجام دے رہا ہے۔
کلب اور صحافتی برادری کے مفاد میں ، الیکٹرانک اور سائبر ترقی کے نئے تقاضوں کو مد نظر رکھتے ہوئے ضروری ہے کہ آئین کو جدید دور سے ہم آہنگ کیا جائے۔
آرٹیکل 2:
مختصر عنوانات، آغاز اور حد؛
شق 1: پریس کلب کا نام "ڈسٹرکٹ پریس کلب رحیم یار خان” ہوگا، جسے آئین میں "کلب” کہا جائے گا۔
شق 2: آئین کا آغاز اور نفاذ 10 جنوری 2022 کو کیا کیا۔ اس آئین کے آغاز کے بعد تمام سابقہ آئین کالعدم قرار دیئے جائیں گے
شق 3: کابینہ، گورننگ باڈی/ایگزیکٹیو کمیٹی اور کلب کا جنرل ہاؤس آئین کی پیروی اور پابندی کرے گا۔
شق 4: آئین کی عمل درآمد کی حد رحیم یار خان شہر تک ہو گی۔
شق 5: "صحافی” سے مراد کوئی بھی بالغ فرد ،جو چیف ایڈیٹر، ایڈیٹر، بیورو چیف، پریس رپورٹر، فوٹوگرافر، کیمرہ مین اور صحافت سے متعلق دیگر عہدوں، کسی بھی روزنامہ یا ہفتہ وار اخبارات یا الیکٹرانک نیوز چینلز کے ساتھ کام کرتا ہے اور صحافتی سرگرمیوں میں بڑھ چڑھ کر حصہ لیتا ہو۔
شق 6: کلب کے تمام موجودہ ممبران آئین کے آغاز پر اپنی موجودہ حیثیت کے ساتھ ممبران تصور ہونگے۔
شق 7: آئین میں، الفاظ "وہ” "اس کا” یا کوئی دوسرا لفظ جو مردانہ جنس کو ظاہر کرتا ہے، مرد اور عورت دونوں جنسوں کے لیے یکساں سمجھا جائے گا۔
آرٹیکل 3:
دفتر؛
کلب کا دفتر پریس کلب، جناح ہال (ٹاؤن ہال) رحیم یار خان میں ہوگا۔
آرٹیکل 4:
مقاصد؛
شق 1: صحافیوں اور کلب کے ممبران کی بہتری کے لیے پلیٹ فارم مہیا کرنا۔
شق 2: سماجی اور ثقافتی سرگرمیوں کے لیے صحت مند ماحول فراہم کرنا۔
شق 3: ضرورت یا حادثے کی صورت میں کلب کے محروم، معذور اور ضرورت مند اراکین اور ان کے خاندانوں کے لیے مالی امداد فراہم کرنا۔
شق 4: کلب کے فوت شدہ ممبران کے مستحق خاندانوں کی دیکھ بھال اور مدد کرنا۔
شق 5: زرد صحافت کی حوصلہ شکنی اور حقیقی صحافتی اقدار کے لیے جدوجہد کرنا۔
شق 6: معاشرے میں رائج بدعنوانی کے خاتمے میں مثبت کردار ادا کرنا۔
شق 7: ارکان کی کارکردگی اور صلاحیت کو بڑھانے کے لیے ورکشاپس، سیمینارز، صحت مندانہ سرگرمیوں اور دیگر مواقع پیدا کرنا۔
شق 8: کلب اور معاشرے کے مختلف شعبہ جات کے درمیان خوشگوار تعلقات کے لیے ماحول پیدا کرنا۔
شق 9: معاشرے کے پسے ہوئے طبقات کے حقوق کے تحفظ کے لیے جدوجہد کرنا۔
شق 10: اقلیتوں، خواتین، مزدوروں وغیرہ جیسے پسماندہ طبقات کے مسائل ، مصائب، انسانی حقوق کی خلاف ورزیوں اور ناانصافیوں کے لیے اجتماعی آواز اٹھانا۔
شق 11: کلب میں الیکشن کے با قاعدگی سے انعقاد کے ذریعے جمہوری اقدار کو فروغ دینا۔
شق 12: اس بات کو یقینی بنانا کہ کلب مالی معاملات میں خود کفیل ہو اور اس سلسلے میں کوششیں کرنا۔
شق 13: ناانصافی کے شکار اور متاثرین کے لیے ایک پلیٹ فارم مہیا کرنا، ان کی آواز اٹھانا اور ان کی شکایات کا ازالہ کرنا۔